計劃槓桿 : 1.5X
理論上最大貸款 : HK$500,000
結算日來個大反彈，結果7月埋單 蝕 6.94%
月初有新錢返，真係有冇咁好timing 呀？當時所做的SP全部深入價内!
現在只好慢慢來，收集期權金去降低槓桿。
2021年7月30日 星期五
2021年7月28日 星期三
2021年7月13日 星期二
Some more?
其實就是我的心魔!
我，有錢就身痕，往往越買越多，槓桿越做越大，一個大浪過來，心理質素欠佳，於是低位止蝕，無仇報啦...
如何控制心魔，对我這個无紀律的人來說是非常重要的!
這是寫這個BLOG其中一個目的，自己定一個計劃，一些規則，白纸黑字，時刻提醒自己! 以免重蹈覆轍。
另一個方法控制心魔係將資金投入一些不能輕易賣出的資產，樓宇。以往未有辣招時，我持有物業時間比較短，有辣招後更合我意，逼人持貨最少3年，槓桿亦大大逼降，安全性反而提高了!
要找一個大方向大趨勢 (有人會話科技發展，我會話係貨幣濫發)，買入實物資產不失為一個好方法，然後用適量嘅槓桿，再讓時間幫忙吧!
現金流/期權/股票
我自己大部分資產增長來自物業，當然如果你計數叻，有自制力，對股票投資有眼光，投資股票債券類資產回報必定比物業高!
我自己則希望開始分散投資，利用按揭貸款的特性(低利率，長期穩定，極少call loan)，去建立一個股票類的現金流組合，提供比按揭利率高的回報，並讓它自己運作，慢慢降低整體的槓桿比率。
曾經聽過汪先生的一句話: 好的投資是不用花太多時間打理它的。
我也要向這方面進發!
2021年7月3日 星期六
供樓供到幾時？
供樓供到幾時？我自己都唔知！
最近把2017年買入的自住樓轉按，借盡5m，套現1.7m，又重新供過。
有人會話投資樓市，升幅慢，現金流低，交易費用高昂。
但我不完全認同，升幅當然不及股市，尤其是近一年的美股，簡直係拍馬都追不上！
但我自問唔夠膽將幾百萬甚至千幾萬放在股市，香港樓雖然升得慢，但係起碼我持有得安心。
現金流極低 ?
若計出租樓，表面上看似每月租金收入比起按揭還款還要少，但實際上在現今超低息環境下，每月還款其中大部分是本金，只有少部分是利息支出。
另外轉按後可以把投入的資金套現出來，以我這次 轉按為例，自住樓在2017年買入，700幾萬買入，借一半，投入300幾萬，供左3年幾(供了50幾萬，其中本金還了30幾萬，利息20幾萬)，仍然欠300幾萬，現在套回1.7m。
只要能做到轉按，就可以把供款(甚至本金)套回，其實現金流不差。
交易費用高昂?
首次買入的而且確要比印花稅及其他雜費，是有些肉痛，但只要你之後不賣出，每兩三年轉按一次， 每次都會有現金回贈落袋。當然還有其他一些管理費差餉等等雜費。
這次轉按現金回贈1%，扣除律師費6千，淨袋$44,000。
唔知得唔得計劃
年初在這個 "唔知得唔得計劃" 抽走了部份資金去買收租樓，將會放回部份資金入去。
計劃係希望期權+股息收入可以跑贏按利息。唔介意回報不高，最緊要穩健！
現時實際利率只是1.4%(H+1.3%)左右，每月利息只比舊按揭多2千左右，未用到的現金會放在按揭掛鈎戶口賺取相同嘅利息。
唔借真係對唔住自己！
訂閱：
文章 (Atom)